تجربتى المريرة مع زيارة برج القاهرة
مشكلتى | تم النشر بتاريخ الثلاثاء 30 يناير 2018, 5:06 am | 5633 مشاهدة
رحت للراجل بتاع التليسكوب علشان ابني يتفرج قلت له بكام التذكرة قالي بتحجزي من تحت
شفت مساخر آي والله العظيم مساخر كل الي يطلع يتشنكل في الي قاعدين ويقع عليهم ويقوم يسب ويلعن وميتين ابو البرج على ابو الي عايز ييجي ده هما الي بيقولوا مش انا الي بقول
بعد ساعة نزول على السلالم سمعنا صوت الي سابقينا هييييييه الاسانسير أهوووووو ثم عبارات شتائم خادشة للحياء
خرجت كتبت الكلمتين دول على الفيس وإذ يشاء السميع العليم ان يشوفه احد قيادات البرج ويعزمني بعدها على يوم جميل عوضت فيه رحلة السندباد البحري والبري الي شفتها ... وافترييييت آي والله افتريت تليسكوب وتراس وصور ونزول وطلوع وأطلع لهم لساني ... واتعزمت على العشاء على ذات نفس الترابيزة الي اتعشى عليها بوتين وكان هاين عليا آخد الكرسي او مفرش الترابيزة تذكار ... وطبعا أبو واسطة يفرق عن عامة الشعب والدهماء
{{title}}
{{by}} {{author}}