انا هعمل موضوع عشان تعم الفائدة لكل فتوك معانا
انا جمعت داتا من صحابى عشان اعرف انهى احسن صنايعى فى المناطق كلها
و اللى عندو واحد بيتعامل معاه برضو يقولنا و يكسب فينا ثواب
------------- اتفضلو الردود -------------
اللى من المنصورة
انا من المنصورة و احسن ناس اتعاملت معاها فى العربيات بتاعتى ناس فاهمه جدا و خبرة من زماان ::::::
الميكانيكى فى واحد اسمه @محمود عوض و الى شغال معاه ابنه و ابنه بيفهم احسن منه كمان مكانه عند مساكن العبور
السمكرى واحد فى اشاره الاتوبيس الدولى بس بصراحه معرفش اسمه بالظبط عشان لسه متعامل معاه جديد بس شغله ولا الهوا
و فى واحد كمان عند عبد السلام عارف فى الشارع بتاع منصور شيفروليه اسمه وائل حلو برضو
و البوهياجى واحد اسمه محسن علام فى عبد السلام عارف برضو فى الشارع الى جنب بنزينه قاابل جوه على الشمال فى نص الشارع كده
و الكهربائى واحد اسمو محمد عتلم فى الشارع بتاع منصور شيفروليه برضو جوة على يمين
==============================
فى واحد اسمه مصطفى فى المنصورة ورة كلية تربية نوعية
خبير فى الدايو
عفشجى فى عبد الباقى فى شربين
الأتنين غليين بس بيفهمو
:$$$$$$$$$$$$$$$$$$$$$$$$$$$:
القاهرة - حدايق حلوان
فى حدائق حلوان و وادى حوف
الميكانيكى الاول اسمه سمير عند مسجد الميدان و التانى احمد الغرباوى فى طريق مدرسة الصفا .
و فيه سمكرى عند مصنع سيجوارت هو شاطر قوى بس باله طويل اوى بس مش فاكر اسمه و هو عنده كل حاجة خاصة بالسمكرة و البوية
$$$$$$$$$$$$$$$$$$$$$$$$:
بالنسبه للستروين والبيجو في واحد جامد اتعرفت عليه في الحرفيين اسمه امجد ستروين مريح عن التوكيل وسريع ومش غالي رقمه 0122822870
:$$$$$$$$$$$$$$$$$$$$$$$:
مدينة نصر
في ورشة اسمها " ميكاترونكس" في مدينة في الحي العاشر خلف سوق السيارات بتاعت 2 مهندسين و بجد محترمين جدا و اسعارهم حلوة و مبياخدوش فلوس علي الحاجات الصغيرة و عندهم كل حاجة
( ميكانيكا و كهرباء و سمكرة و دوكو و كشف اعطال بالكمبيوتر )
و رقم التليفون 0144029384
جربوا و ادعولي
:$$$$$$$$$$$$$$$$$$$$$$$$$$
السيدة زينب
فى ميكانيى اسمه سيد عاطف فى السيده زينب
(بيفهم فى كل العربيات بس الاسبرانزا بالذات اتخصص فيها)
ورشته فى شارع اسمه سلامه حجازى (من شارع بورسعيد)(قريب من مجلس الامه)
هو شاب صغير بس عبقرى
انا ساكن فى العمرانيه بس برحله فى كل كبيره وصغيره
كفايا كان عندى مشاكل كتير عجز عن حلها التوكيل ومعظم الميكانيكيه
هو عرفها فى ثوانى
كان شغال فى توكيل ابوالفتوح سابه عشان لقى انه مفيش ضمير فى التوكيل
$$$$$$$$$$$$$$$$$$$$$$$$$$$
جسر السويس
ميكانيكى دنيال فى جسر السويس راجل فاهم جدا جدا وامين اوى ورخيص واوقات كتير اقولوا صلح واحسبوا بعدين مع انه شغال نار بس الله ما شاء الله ولو محتاج عربيه اخد عربيتوا بردوا بيعمل مع الكلل كدا مش معايا انا بس وفاهم جدا جدا
:$$$$$$$$$$$$$$$$$$$$$$$$:
عين شمس و اللى منها
ميكانيكى فيات ممتاز جدا اســمة ادور ومعاه كهربائى اسمة اشرف الحنين الاثنين بصراحة وبأمانة الله اكثر من الممتازين فى اصلاح السيارات القديمة والحديثة
وخصــوصا التمبــرا وانا دخت بعربيتى لحد معرفتهم والعربية حاليا زى الفل وعال العال وبجد مـش غاليين
لكن
فاهمين كويس وبسم الله ماشاء الله ضمير وشطارة فوق الوصف واحسن من التوكيل بألف مرة
اما عن قطع غيار التمبــــرا
عند الحاج / احمد محرم عين شمس بجوار سور كلية الهندسة فى شارع ابراهيم عبدالرازق
تليفون الميكانيكى 0122234272
وعنوانة عين شمس - الشارع الجديد بجوار قهوة ظريف محطة القيسناوى بين مزلقان المهاجرين ومزلقان عين شمس نفس صف سنترال عين شمس
والله اتمنى ان اكون خدمت الناس فى فتوك ويارب اجعلة فى ميزان حسناتى
$$$$$$$$$$$$$$$$$$$$$$$$$$$$$$
للى من طنطا
ميكانيكي
افضل ورشه اتعملت معاها بجد
عند واحد اسمة / عصام المكنانيكي
انا ووالدي بنتعامل معاه من حوالي 17 سنة ويمكن اكتر
هو في طنطا في شارع شركة الزيوت والصابون بطنطا الورشه في وش الباب المصنع الي جنب المسجد
وكمان هناك ورشه بجانبه لذم بتاعه عفشة وبجد هشام عفشة
جااااااااااامد ودماعه حلوه في العفشة وعصام بيخترع حاجات كتير
بس في النهاية العربيه بتخرج من تحد اديهم زي الجديدة
:$$$$$$$$$$$$$$$$$$:
إسكندرية
سمكري:واحد إسمه هشام في ال45 قبلي بعد متعدي النفق على طول عاليمين إسأل عليه,ما شاء الله عليه عدلي الشاسيه عالبارد ومش باينه وأسعاره حلوه
بويه:واحد إسمه إسلام في المندره قبلي الشارع إلي في وش النفق إلي عند المنتزه هو تمشي في الشارع ده شويه وإلي يسأل ميتوهش
العربيات الحديثه إلي فيها كمبيوتر:في مركز صيانه في ميامي شارع متفرع من السباعي متخصص رينو وستروين وكل العربيات إلي فيها كمبيوتر,أحمد وسامح
بخصوص الي متعلم عليهم بلاش نقطع رزق حد يمكن ربنا يتوب عليه
=============================
ظبط ابواب السيارات
انا عارف واحد اسمه عمرو البورى فى سيدى بشر بحرى فى اخر نفق جمال عبد الناصر يمين وانت رايح على ميامى بس هو ولد فنـــــان واسعاره حنينة اوى
=============================
ياقوت السمكري , رجل نحسبه على خير , بين مدرسة الجيل الجديد و و سور قطر أبو قير في الرمل الميري.
0117131733
قالي أعملك سمكرة العربية كلها و يحط مادة عازلة و يضيع الباروما كل العربية 600 جنيه.
==================================
في واحد اسمه عماد بوهيجي قالي العربية تاخدلها وش بوهية و فرن ب 500 جنيه بس الكلام ده من سنة و نص
أحسن و احد بتاع فرامل , تخصص فرامل, سوسو فرامل شارع مدرسة الشهداء الخاصة بالسيوف
:$$$$$$$$$$$$$$$$$$$$$:
الجيزة - فيصل
ميكانيكي متخصص إيطالي (فيات حديث ، ألف روميو ... إلخ)
محمد الفيومي و موبايله 0129900753
كان شغّال فى التوكيل و راجل بيفهم أوي و جدع و أسعاره معقولة
شارع عمرو إبن العاص من المطبعة فيصل
(إللي على ناصيته الشبراوي)
تفضل ماشي فيه و تلف معاه لحد ما تلاقي على إيدك الشمال قهوة بدر
تدخل بعدها تاني شارع يمين فى شمال تمشي شوية على مهلك هاتلاقيه على يمينك
و بعده عالاطول لازق فيه عفشجي إسمه وضّاح العراقي برضه كويس
$$$$$$$$$$$$$$$$$$$$$$$
الشرقيه
1- محسن السمكري الزقازيق وده رقمه 0101134261 طريق هريه بجوار المزلقان
الشرقيه
1- محسن السمكري الزقازيق وده رقمه 0101134261 طريق هريه بجوار المزلقان