بما ان فيه شباب كتير نفسها تفتح اى مشروع تجارى تجيب منه دخل يكون كويس ومعاه فى راس مال مايزدشى عن 25 ألف جنيه قررنا نعمل بحث ونشوف ايه افضل حاجه ممكن تتعمل بالمبلغ دا
بيع اكسسوارات ومستحضرات تجميل
المشروع ده ميزته انه مش عايز راس مال كبير يعنى لو شوفت محل بس يكون متشطب فى منطقه فيها كثافه سكانيه معقوله ويكون ايجاره فى حدود 1500-2500 جنيه فى الشهر وممكن تفرش المحل ببضاعه فى حدود 20 الف جنيه والمكان اللى ممكن تشترى منه البضاعه ( الموسكى , العتبه ) هتلاقى الحاجات دى بأسعار الجمله ومتوسط الربح بيكون من 15-25%
مغسله عربيات
مشروع مربح جدا بالاخص ان سعر الغسله فى اى مغسله دلوقتى 50 جنيه مع ان تكاليف الغسله مش مكلفه .. يعنى خامات الصابون والمايه والكهرباء والايجار .. اهم حاجه يكون المكان ايجاره مناسب واهتم بجوده الغسيل ودايما ناس كتير بتدور على مغسله تكون عندها ضمير وسعرها معقول
توصيل طلبات
يعنى نموذج مصغر لشركه شحن .. الموضوع ده مطلوب اوى دلوقتى وناس كتير بتسال عن مندوبين توصيل لاوردرات من بلد لبلد او من مكان لمكان داخل مدينه كبيره وده طبعا بعد ماحجم البيع اون لاين زاد .. لان دى اكبر مشكله بتواجه كل اللى بيبيعوا اون لاين .. التوصيل .. وممكن براس مالك تشترى موتسيكل عشان يكون سهل الحركه
محل ملابس
سواء قررت تفتح ملابس جديده او ممكن تعمل مشروعملابس الباله والموضوع ده اتشهر الفتره الاخيره لو مش موجود فى منطقتك ممكن تعمله وتختار الباله الكويسه لان الباله انواع واللى مايعرفش الباله دى هدوم بنستوردها مستعمله او بها عيوب صناعه وبتكون توكيلات وسعرها رخيص جدا .. وتقدر تشترى الحاجات دى من العمارات اللى فالعتبه اسال هناك عن مكاتب الملابس او من الموسكى
تربيه فراخ
المشروع ده انتشر الفتره الاخيره تقدر تنزل على اى عياده بيطريه وتشترى من500-700 كتكوت بس الاهم يكون عندك مكان مناسب وجيد التهويه ..
محل سوبر ماركت
وده اهدى مشروع ومش متعب اوى بس الربح فيه مش بيكون كبير لانه بيعتمد على كميه المبيعات الكبيره
ولو عندك اى فكره مشروع تانيه وحسيت ان راس المال ممكن يزيد عن 25 الف .. ممكن تروح اى بنك البنوك الحكومية وتاخد قرض من القروض المتناهيه الصغر الجديده اللى البنك المركزى عامل دعم على الفايده بتاعتها لان فايدتها تقريبا 5% ودى اقل من اى فايده قرض ممكن تاخده
واهم حاجه لما تنوى تفتح المشروع ابعد عن اى حد يقولك ياعم خد المبلغ ده واشترى بيهم ايفون اكس او روح اتغدى بيهم انت واصحابك .. والكلام المحبط دا
واهم حاجه لما تنوى تفتح المشروع ابعد عن اى حد يقولك ياعم خد المبلغ ده واشترى بيهم ايفون اكس او روح اتغدى بيهم انت واصحابك .. والكلام المحبط دا