غالباً أكتر سؤال بيتقال هو أنا لما ابتدي چيم ، أتمرن إيه؟ وده سؤال مهم الحقيقة، لما بتحس انك تايه في الچيم ومفيش حد يساعدك، نفسك بتتسد وتبطل تروح، وده بيقلل معدل خسسانك، اللي بعد شوية (قصيرين) بيخليك تحبط. وتبطل دايت كمان.
اولاً، خلينا نتفق إن أي نشاط هتعمله، بيستلزم طاقة، الطاقة دي بتيجي من الاكل اللي لسة واكله،او الأكل اللي كلته زمان وما استخدمتهوش فاتخزن في صورة دهون
ثانيًا، مفيش أي تمرين هينفعك لو انت مش مظبط أكلك، يعني بتاكل اللي محتاجة، ولا أكتر ودي معروفة، ولا أقل، لأن في ناس فاكرة ان كل ما بتجوع نفسك بيبقى خير وبركة وكده أسرع
ثالثاً، التمارين عموماً ممكن حصرها في أربع أنواع
١-التمارين الهوائية
(Aerobic)
هي التمارين اللي بترفع معدل ضربات القلب والتنفس لفترات طويلة او متوسطة، ودي بتحسن أداء القلب والرئة والدورة الدموية، عن طريق تحسين استغلال الجسم للاوكسچين في عمليات الحرق المطلوبة لانتاج الطاقة اللي هاتخليك تكمل طول المدة دي
بترفع معدل اللياقة عموماً وبتحسن الاداء عن طريق ممارستها بقوة تتراوح بين ٥٠-٨٠٪ من الحد الاقصى لمعدل ضربات القلب(٢٢٠-سنك=اقصى معدل لضربات قلبك)لفترات طويلة (٢٠دقيقة على الاقل) ومن امثلتها،الهرولة،السباحة،اي تمرين مستمر ومتكرر لمدة طويلة بقوة متوسطة
ودي فوايدها كالآتي:
تقوية عضلة القلب، وسهولة التنفس، ولما الاوكسچين بيوصل لعضلاتك بيحسن ادائك العضلي، وهايساعدك تخس بس مش هايخسسك لوحده وتحسن الجهاز المناعي، والوقاية من شوية امراض مرتبطة بالكوليسترول والسمنة، وتحسين الحالة المزاجية والنفسية، وزيادة قدرة التحمل، ومكافحة الخمول والارهاق
٢-التمارين اللاهوائية
٢-التمارين اللاهوائية
(Anaerobic)
ودي عكس التمارين الهوائية واللي بتعتمد اقل على الاكسجين في عملية الحرق، وبتعتمد اكتر على الطاقة المختزنة جواك، ودي بتحسن الاداء القاسي جداً في الفترات القصيرة (دقيقتين أو أقل) زي الجري السريع، لما نفسك بيتقطع ويبقى قصير جداً،لانك جريت بسرعة جداً في دقيقة واحدة.
النوعية دي من التمارين، بتهدف لزيادة القوة، والزيادة العضلية. ابسط صورة للتمارين دي هي شيل الحديد، شيل الحديد هو مقاومة الجاذبية الارضية باوزان زي الدنبل عن طريق انقباض وانبساط العضلات
ودي عكس التمارين الهوائية واللي بتعتمد اقل على الاكسجين في عملية الحرق، وبتعتمد اكتر على الطاقة المختزنة جواك، ودي بتحسن الاداء القاسي جداً في الفترات القصيرة (دقيقتين أو أقل) زي الجري السريع، لما نفسك بيتقطع ويبقى قصير جداً،لانك جريت بسرعة جداً في دقيقة واحدة.
النوعية دي من التمارين، بتهدف لزيادة القوة، والزيادة العضلية. ابسط صورة للتمارين دي هي شيل الحديد، شيل الحديد هو مقاومة الجاذبية الارضية باوزان زي الدنبل عن طريق انقباض وانبساط العضلات
ودي فوايدها كالآتي:
تقوية الجسم عموماً (الأربطة والأنسجة والعضلات والعضم) بيخليك أقل عرضة للأصابات، ،بتبني عضلات قوية، وبتـحرق الدهون، وبتحسّن معدلات الكوليسترول
يبقى السؤال دلوقتي وفي ظل الهدف الرئيسي اللي هو الخسسان، إيه أفضل؟ الهوائي ولا اللي هوائى؟
في حين إن التمارين الهوائية هتساعدك تخليك تتجنب أمراض زي الضغط والسكر والجلطات. التمارين اللاهوائية هاتخسسك اسرع بكتير، وهاتساعدك تزود الكتلة العضلية، اللي هتخلي شكلك أحسن لما تخس .التمارين اللاهوائية كمان هترفع معدل الحرق عندك لأن الكتلة العضلية زادت وهتخليك بتحرق الأكل أسرع فمش هتبقى خايف لو كلت حاجة كان نفسك فيها
الهوائي هايرفع معدل حرقك على المدى الطويل لانك بقيت انشط عموماً، وحالة قلبك احسن كتير، وشراينك انضف، وبيرفع معدل الحرق جداً أثناء التمرين ولمدة قصيرة بعدها (حوالي٢-٦ ساعات)
في حين إن التمارين الهوائية هتساعدك تخليك تتجنب أمراض زي الضغط والسكر والجلطات. التمارين اللاهوائية هاتخسسك اسرع بكتير، وهاتساعدك تزود الكتلة العضلية، اللي هتخلي شكلك أحسن لما تخس .التمارين اللاهوائية كمان هترفع معدل الحرق عندك لأن الكتلة العضلية زادت وهتخليك بتحرق الأكل أسرع فمش هتبقى خايف لو كلت حاجة كان نفسك فيها
الهوائي هايرفع معدل حرقك على المدى الطويل لانك بقيت انشط عموماً، وحالة قلبك احسن كتير، وشراينك انضف، وبيرفع معدل الحرق جداً أثناء التمرين ولمدة قصيرة بعدها (حوالي٢-٦ ساعات)
اللا هوائي بيرفع معدل الحرق جداً اثناء التمرين، بيفضل عالي لفترة طويلة بتوصل ل٢٤ ساعة
الاتنين بيحسنو الصحة القلبية والأداء عموماً عن طريق تقوية القلب وقدرة ضخ الدم، والاتنين بيكملوا بعض،واحد بيخسس وبيخليك اقوى (اللاهوائي) وواحد بيسهل وبيسرع الخسسان وبيرفع اللياقة (الهوائي)نظامك التدريبي لازم يبقى مزيج من الاتنين لافضل النتايج واسرعها
٣-تمارين المرونة
الاتنين بيحسنو الصحة القلبية والأداء عموماً عن طريق تقوية القلب وقدرة ضخ الدم، والاتنين بيكملوا بعض،واحد بيخسس وبيخليك اقوى (اللاهوائي) وواحد بيسهل وبيسرع الخسسان وبيرفع اللياقة (الهوائي)نظامك التدريبي لازم يبقى مزيج من الاتنين لافضل النتايج واسرعها
٣-تمارين المرونة
(flexibility)
معظم الناس بتتجاهله رغم أهميته، بيزود المرونة، وبيزود قدرة عضلاتك على التمدد (واللي بيأثر بطريقة غير مباشرة على الزيادة العضلية) وبيقلل الإصابات، وبيديلك حرية أكبر في أداء شوية تمارين صعب تعملها لو انت مش مرِن كفاية
ودي زي الإطالات أو اليوجا
٤-تمارين التوازن
معظم الناس بتتجاهله رغم أهميته، بيزود المرونة، وبيزود قدرة عضلاتك على التمدد (واللي بيأثر بطريقة غير مباشرة على الزيادة العضلية) وبيقلل الإصابات، وبيديلك حرية أكبر في أداء شوية تمارين صعب تعملها لو انت مش مرِن كفاية
ودي زي الإطالات أو اليوجا
٤-تمارين التوازن
(Balance)
بتزوّد التكامل العضلي وبتساعدك تعمل تمارين بتحتاج توازن؛ معظم تمارين الرجلين بتعتبر تمارين توازن
الخلاصة
مش كل الناس بتتاثر بالتمارين زي بعض، في اجسام ممكن تستفيد اكتر بنوع من التمارين عن التاني، وعشان كده، نظام تمرينك لازم يبقى متنوع وفية تشكيلة من الأربع انواع (الهوائي واللاهوائي بالذات والمرونة والتوازن) وماتغصبش على نفسك واسمع لجسمك واستمتع بتمرينك، جزء كبير جداً من كفاءة تمرينك بيعتمد على استمتاعك بيه،ماتعملش تمرين وانت متعسف منه (طبعاً دة مش معناه انك تقول كل التمارين وحشة وانا بحب انام على الكنبة) واحدة واحدة وماتستعجلش، اللياقة بتاخد وقت والفورمة بتاخد وقت، مش رحلتين تلاتة ع الچيم وتقول مفيش فايدة
الخلاصة
مش كل الناس بتتاثر بالتمارين زي بعض، في اجسام ممكن تستفيد اكتر بنوع من التمارين عن التاني، وعشان كده، نظام تمرينك لازم يبقى متنوع وفية تشكيلة من الأربع انواع (الهوائي واللاهوائي بالذات والمرونة والتوازن) وماتغصبش على نفسك واسمع لجسمك واستمتع بتمرينك، جزء كبير جداً من كفاءة تمرينك بيعتمد على استمتاعك بيه،ماتعملش تمرين وانت متعسف منه (طبعاً دة مش معناه انك تقول كل التمارين وحشة وانا بحب انام على الكنبة) واحدة واحدة وماتستعجلش، اللياقة بتاخد وقت والفورمة بتاخد وقت، مش رحلتين تلاتة ع الچيم وتقول مفيش فايدة
شارك الموضوع
