موضوع جميل جدا عن ازاى تقضى اجازتك صح ..
كلنا عارفين ان شهر 7 و 8 و 9 فيهم اجازات كتير و عشان الاماكن اللى بنروحها بقت متكررة و بنحس بملل .. جبنالك البوست دا :point_down::point_down::boom:

و هنبدأ الأول بالحدائق:

(1)الأزهر بارك،،
شارع صلاح سالم،، مساحة واسعة و كبيرة جدا من المسطحات الزراعية،، الفيو جميل،، و هتتصوروا صور حلوة و هتبقى ذكرى جميلة .. و كمان ممكن و أنتم هناك تطلبوا زيارة منطقة آثار الدرب الأحمر و بيكون ليها تيكيت خاصة و بتوصلوا للمزارات بالجولف كار،، هتقضوا وقت ممتع..

(2)حديقة الحيوان:
فيها متحف في غاية الروعة و الأهمية (متحف الحيوانات المحنطة)

(3)حديقة الأورمان ،،
بيكون فيه مهرجان الزهور في شهر إبريل ،،، من أكتر الأماكن اللي هتحسوا فيها براحة نفسية عشان كمية الزرع اللي موجودة هناك،، ده بيكون معرض كل تجار الزهور بيعملوا عرض لمنتجاتهم في الوقت ده هناك..

(4) حديقة الميرلاند،
،مصر الجديدة،، دلوقتي هما شغالين على تظبيط الحديقة،، هي اتفتحت جزئيا من فترة،، بس حتى الجزء ده تحفة،، هناك بيعملوا فوتوسيشن للعرسان،، لان بجد الفيو و التجديد جميل..

(5)الحديقة الدولية،،
مدينة نصر،، الحقيقة اني مزورتهاش،، بس بيتهيألي هتكون مكان حلو،، أي حديقة بتعيد تجديد النشاط،، العين بترتاح لما بتشوف اللون الأخضر..

(القناطر الخيرية) :
المساحات الخضرا هناك حكاية كمان فيههناكمجموعةمتاحف رائعة من أهمها متحف الطفلاللى اولادكم هايستمتعوا فيه بشكل كبير

نيجي بقى تاني حاجة للناس المهتمة بالقراءة و بتكمل دراستها،، هنقول على كام مكتبة باذن الله يفيدوا الدارسيين:

(1)المكتبة المركزية،، جامعة القاهرة.
(2)مكتبة مصر العامة.
(3)مكتبة المعهد الفرنسي للاثار الشرقية، المنيرة، السيدة زينب.
Ifao
(4)مكتبة المعهد الالماني للآثار،، الزمالك،، شارع أبو الفدا.
(5)مكتبة الدومنيكان،، شارع أحمد سعيد،، ميدان الجيش.
(6)مكتبة الفرنسيسكان،،

**مكتبة المستقبل،، مصر الجديدة،،
الحقيقة فيها نشاطات كتيرة غير القراءة،، دورات تعليم كمبيوتر،، موسيقى،،
و تعليم لغات و أكتر من كدا كمان..

**متحف الطفل،، مصر الجديدة،،
فيه نشاطات كتيرة للأطفال،، و فيه اهتمام حلو بالطفل،، ده طبعا للي معاهم أولاد و يحبوا يشغلوا وقتهم بحاجة مفيدة..

**مكتبة مصر الجديدة،،
بيكون فيها فعاليات و ندوات و المكان حلو و تغيير جو..

بالنسبة بقى للشوارع الأثرية و المزارات التاريخية:

1 - قلعة صلاح الدين
أول ماهاتدخله هاتحس انك فى زمن تانى وياريت كمان تستغل فرصة وجود حفلات ومهرجانات
زى مهرجان الطبول علشان تشوف جمال المكان هناك بليل ..
ومنها ممكن تطلع على شارع الصليبة بالقلعة تشوف بعض القصور والبيوت التاريخية
زى قصر الأمير طازوبيت الكريتلية وغيرهم ...

ممكن كمان شارع المعز،، مليان آثار و أماكن فعلا تستاهل أكتر من يوم، مش يوم واحد..
و ممكن تتصوروا كمان بالملابس التراثية هناك و هتكون ذكرى حلوة و مختلفة..
و فيه محلات هدايا هناك و أسعارها بتكون بسيطة و معقولة..
أهم حاجة بقى فطاطري الحسين،،

(2)شارع الخيامية،،
أفضل وقت لزيارته قبل رمضان و في رمضان،، بس عموما طول السنة لو زورتوا المكان هتحسوا بروايح زمان و الأصالة..

(3)الجمالية،،
و عن جمال الشارع و عراقته..

(4)مسجدي السلطان حسن و الرفاعي،، عظمة المكان تكفي..
(5)وصولا لشارع صليبه،،
قريب من السيدة زينب،، هنلاقي هناك جامع ابن طولون و متحف بيت الكريتليه.

(6) منطقة اثار سقارة:
وهناك هاتحس انك انفصلت تماما عن الواقع هدؤ ونقاء فى الجومش طبيعي ومش زحمة بس يستحسن تتراح فى الشتا ...

أما المتاحف ،، فحدث و لا حرج::

(1)المتحف المصري،،
ميدان التحرير،، حيث الحضارة و التاريخ،، و التصوير هيبقى متاح مجانا بداية من أول أغسطس.

(2)متحف الفن الإسلامي،،
باب الخلق،، أحمد ماهر،، و قريب من الخيامية،،
يعني ممكن نجمع الزيارتين مع بعض في يوم واحد،، و المتحف كمان فيه أنشطة للأطفال،، و بيقام معارض و حفلات داخل المتحف،، و لطلاب الدراسات العليا فيه مكتبة عظيمة داخل المتحف..

(3)المتحف المصري الكبير،، ميدان الرماية.
(4)متحف الحضارة في الفسطاط،.

عن المنيل و جمالها :

(1)متحف محمد علي.
(2)مقياس النيل.
(3)قصر المانسترلي.
(4)متحف أم كلثوم.

و عن المطرية و آثارها:
(1)شجرة السيدة العذراء مريم.
(2)مسلة سنوسرت.

منطقة مصر القديمة و آثارها:

بالنسبة لوصولها سهل،، محطة مار جرجس،، خط المرج:
(1)الكنيسة المعلقة.
(2)المعبد اليهودي.
(3)مسجد عمرو بن العاص.
(4)سوق الفسطاط.
(5)مركز الحرف اليدوية.

السيدة زينب:
روعة المكان تكفي،،
ممكن زيارة لبيت السناري بيعملوا حفلات حلوة،، و كمان فيه مكتبة جميلة داخل البيت لبيع الكتب،،
بس أغلبها مطبوعات مكتبة الأسكندرية.
و عندنا كمان بن عبد المعبود أحلى فنجان قهوة ممكن تأخده هناك،،
و جنبه على طول كمان سوبيا الرحماني،،
يمكن السيدة زينب مكان زحمة شوية بس الجو هناك مختلف و جميل..
ونقدرنتمشي منها للمنيرة ووسط البلد الشوارع اللى بتربط بينهم تحفة..

فى النهاية حابب أقولكم ان السعادة مش مرتبطة بفلوس ...أقل شئ ممكن يسيب فى نفسنا أثر جميل المهم اننا ندى فرصة لنفسنا نشوف الدنيا بعين مختلفة...

@منتدى فتوك للرجال فقط

تابعنا جديد موقعنا

تميز بلا حدود